有時啲上級真係高高在上, 不知/不理民間疾苦!!

This is an order?! 直頭out of order!!

上級, 我明白你有你嘅理由!! 雖然你嘅order未至於不設實際, 但係咁嘅order就真係好擾民囉, 簡直完全影響緊電台交接更嘅運作!!

你老闆整返好部機先講啦!! 唔係點樣明正言順咁叫人聽你枝笛啫?! 唔好再响度刁難啲下屬嘞!! 你知唔知道乜嘢叫 "巧婦難為無米炊" 呀?!

Mission Impossible!!!!!!!!!!

頂!!!!!!!!!! 頂!!!!!!!!!! 頂!!!!!!!!!!

刁..........難..........!!!!!!!!!!

相傳年初三係赤口, 會特別多交嗌!! 咁等我今日返工睇吓係咪真係零舍多 "Dispute"(糾紛) cases先?!

咦~~咁 "Assault"(襲擊) 同 "Fighting"(打交) 計唔計呀?! 話晒多數cases都係 "先動口繼而動武"!!

如果赤口真係咁旺cases嘅話, 咁我出年老虎蟹都要放年初三喇!!

曾經有位朋友問我: "喂, 三醉清安, 你份工農曆新年有冇假放架?!" 我答: "咁你認為响農曆新年嗰陣, 啲市民會唔會唔打999吖?!" ..........

打工就係咁樣架啦, 尤其返shift, 根本無可能年年夾得正啲更份畀你放到大年初一, 就算入紙申請放假都未必輪到畀你!! (何來咁多quota喎, 放晒啲人仲駛做嘢嘅!!)

不過, 做咗依份工咁多年, 我都慣咗囉!!

其實返工都有好處嘅!! 一來唔駛出街同人係咁迫, 二來唔會錯手亂咁洗錢買嘢!!

..........返工仲有得逗利是添!!

註: 我哋電台嘅更份係返四日放一日然後轉更.

三醉清安大年初一要返工呀~~仲要係返早更添呀陰公!!

返早更有時都幾難頂架~~你諗吓啦, 個天又黑, 條街又凍又冷清, 自己就一個人在路上, 感覺真係分外淒涼..........

不過我相信今日唔會有太多cases要做嘅啫~~根據歷年嘅經驗, 最多咪係違例泊車, 汽車阻街, 噪音投訴, 同埋舉報人哋非法燒煙花炮仗咁囉!! 話晒新年流流, 冇咁多人報警架~~貪利是咩?!

大吉利是!!

上個禮拜無端端打多咗三篇網誌, 好明顯有啲嘢啦~~之唔係準備年尾收爐囉!!

今個禮拜除咗要返工, 我仲要出去逗利是吖嘛!! 所以, 請容許我偷懶, 得閒再寫!!

天增歲月人增壽, 春滿乾坤福滿門!!

三醉清安全體仝人恭祝你哋萬事如意!!